Í dag, 4.febrúar er Alþjóðlegur dagur krabbameina.
Tilgangur Alþjóðlega krabbameinsdagsins er að auka vitund um margar hliðar krabbameina, hvetja til forvarna og aðgerða sem geta dregið úr hinum víðtæku, neikvæðu áhrifum þeirra.
Á Íslandi greinast að meðaltali fimm einstaklingar með krabbamein á hverjum degi, allt árið um kring. Reynsla þeirra er sameiginleg á margan hátt en á sama tíma á hver og einn sína einstöku sögu og upplifun. Sögurnar eru jafnmargar og einstaklingarnir að baki þeim og djúpar og miklar tilfinningar eins og kvíði, seigla, sorg, von, ótti og léttir oft allsráðandi í þeim.
Krabbameinsfélag Íslands og aðildarfélög víðsvegar um landið, vinna markvisst að því að mæta þjónustuþörfum einstaklinga og fjölskyldna sem takast á við krabbamein. Krabbameinsfélag Árnessýslu hefur það að markmiði að færa þjónustuna í heimabyggð og vinna með þarfir félagsmanna að leiðarljósi.
Hjá Krabbameinsfélagi Árnessýslu er veittur andlegur,-og félagslegur stuðningur, fræðsla, jafningjastuðningur, ráðgjöf, sálgæsla og endurhæfing.
Opið er í húsnæði félagsins að Eyravegi 31 á Selfossi, mánudaga, miðvikudaga og föstudaga frá 11:00-14:00.
Ávallt heitt kaffi á könnunni og hlýjar móttökur. Verið velkomin.
Comentários