Á fundi stjórnar Krabbameinsfélag Árnessýslu í janúar var tekin ákvörðun um að leggja áherslu á þjónustu við fjölskyldur krabbameinsgreindra á árinu 2024.
Fræðsla, ýmsir viðburðir og þjónusta á starfsárinu verða sérstaklega miðuð að fjölskyldum.
Nýlega náði félagið samstarfssamningi við fyrirtækið Sjálfsmildi sem rekið er af fjölskyldufræðingunum Jónínu Lóu Kristjánsdóttur og Ragnheiði Kristínu Björnsdóttur. Fjölskyldum býðst að sækja viðtöl hjá fjölskyldufræðingunum þar sem áhersla er lögð á bataferli fjölskyldunnar í heild. Heimasíðu Sjálfsmildi má skoða hér: www.sjalfsmildi.is
Í fjölskyldumeðferð er horft til fjölskyldunnar sem heildstæðs kerfis þar sem tekið er mið af áhrifamætti fjölskylduheildarinnar og velferð hennar höfð að leiðarljósi.
Jónína Lóa og Ragnheiður Kristín hafa báðar bakgrunn úr heilbrigðisþjónustu, hafa viðbótarmenntun í áfallafræði auk fjölskyldufræðinnar.
Til aukinnar fræðslu og upplýsinga um þjónustuna og hvað fjölskyldumeðferð felur í sér, munu Jónína og Ragnheiður koma til okkar á Eyraveginn þann 22.febrúar kl.17:00.
Hvetjum alla til að mæta og kynna sér þessa góðu og þörfu þjónustu sem félagið býður nú félagsmönnum sínum uppá.
Ragnheiður Kristín, hjúkrunar-og fjölskyldufræðingur
Jónína Lóa hjúkrunar-og fjölskyldufræðingur
Comments