Heimsókn til Lions klúbb Selfoss

Mánudaginn 8.apríl bauðst okkur að heimsækja Lions klúbb Selfoss og kynna starfsemi félagsins fyrir klúbbmeðlimum. Vel var tekið á móti okkur, við fengum innsýn í það öfluga starf sem Lions klúbburinn stendur fyrir og heimsóknin í alla staði ánægjuleg.

Heimsóknir sem þessar gefa okkur svo dýrmætt tækifæri til að kynna starfsemi félagsins, svara spurningum og eiga samtal um hvað er gott og hvað megi bæta. Við höfum unnið markvisst að því síðustu ár að vera sýnilegri og efla vitneskju samfélagsins okkar um þá öflugu þjónustu sem við bjóðum krabbameinsgreindum og fjölskyldum þeirra uppá.

Heimsókn sem þessi færir okkur nær samfélaginu.

Á myndinni má sjá Samúel, formann Lions klúbbsins ásamt Svanhildi formanni og Högna Sigurjónssyni stjórnarmanni Krabbameinsfélags Árnessýslu.