Nældu þér í slaufu

Sala á Bleiku slaufunni er hafin og fæst hún hjá okkur á Eyravegi 31, í öllum helstu verslunum landsins og í vefverslun Krabbameinsfélags Íslands.

Slaufan í ár er fagurbleikur og skínandi blómakrans fléttaður úr þremur nýútsprungnum blómum. Kransinn samanstendur af vafningum sem vefjast um hvern annan og tákna þannig þá umhyggju og stuðning sem við njótum flest á erfiðum tímum. Styrkurinn felst í samstöðu okkar - saman erum við sterkari.

Hönnuður Bleiku slaufunnar 2024 er Sigríður Soffía Níelsdóttir. Verkefnið hefur persónulega þýðingu fyrir hana, en hún greindist með brjóstakrabbamein árið 2020.

Lesa má nánar um átak Krabbameinsfélagsins á vefsíðunni https://www.krabb.is/bleika-slaufan