Félagið er með öflugan endurhæfingarhóp þar sem áhersla er á andlega-líkamlega-og félagslega endurhæfingu.

Innihald endurhæfingarinnar er hreyfing, slökun, fræðsla, iðja, sálrænn stuðningur og samverur.

Endurhæfingin, sem er jafnt fyrir þá sem eru í meðferð og þá sem hafa lokið meðferð, fer fram þrisvar til fjórum sinnum í viku. Unnið er að einstaklingsmiðuðum markmiðum í öflugum hópi. Utanumhald endurhæfingarinnar er í höndum Margrétar Steinunnar kennara og sálgætis. Berglind Elíasdóttir íþrótta-og heilsufræðingur sér um hreyfinguna, ýmsir fagaðilar koma að fræðslunni og áhugafólk og listamenn leiða margskonar iðju.Skráning og frekari upplýsingar eru hjá Margréti á netfanginu msg14@hi.is eða hjá Svanhildi í síma 892 3171 eftir kl.16:00 á daginn

​

Jafningjastuðningshópur fyrir konur hittist einu sinni í mánuði og jafningjastuðningshópur fyrir karla hittist einu sinni í mánuði. Nánari dagsetningar eru birtar á facebookhópnum og á heimasíðunni. 

​

Handavinnuhópurinn Upprekjurnar hittist á fimmtudögum 11:00-14:00 og eru með ýmislegt á prjónunum í góðra vina hópi. 

​

Reglulega er boðið uppá fræðslu af ýmsu tagi, bæði í samvinnu við Krabbameinsfélag Íslands og annað fagfólk í sinni grein. Fræðslan er ávallt frí, opin öllum og leitast er við að bjóða uppá fjölbreytta og gagnlega fræðslu hverju sinni. Fræðsla og námskeið eru auglýst á facebook síðu félgsins og á heimasíðunni. 

​

Í samstarfi við Yoga Sálir +Eyravegi 35 á Selfossi býðst félagsmönnum að  þiggja notalega slökun og hugleiðslu hjá reyndum og faglegum yoga kennurum.  Tímarnir eru á mánudögum kl.15:00 og eru félagsmönnum að kostnaðarlausu. 

​

Gott samstarf er á milli félagsins og krabbameinsdeildar HSU þar sem krabbameinslæknar, félagsráðgjafi og iðjuþjálfi starfa og styðja við starfsemi félagsins. Sjálfboðaliðar frá félaginu eru með viðveru á lyflækningadeild að jafnaði einu sinni í mánuði. 

​

Yfir árið eru ýmsir viðburðir í boði sem auglýstir eru hverju sinni á heimasíðunni og á facebook síðu félagsins.