Herrakvöld í Mottumars

Föstudagskvöldið 27.mars 2026 stóð Krabbameinsfélag Árnessýslu fyrir Herrakvöldi í Tryggvaskála á Selfossi.

Fjölmargir herramenn nutu kvöldsins saman undir góðri veislustjórn okkar trygga og einstaka Gabríels Werner, en hann hefur í gegnum tíðina veislustýrt fjölmörgum viðburðum á vegum félagsins.

Grétar Lárus Matthíasson tónlistarmaður mætti með gítarinn og flutti frumsamin lög af plötunni sinni Unbreakable í bland við klassíska slagara. Meðal gesta voru einnig tónlistarmenn sem brugðu óvænt á svið með söng og píanóflutning.

Starfsfólk Tryggvaskála reiddi fram dýrindis kótilettur og stjanaði við herramennina með góðri þjónustu.

Dregnir voru út margir veglegir happadrættisvinningar, mikið var hlegið, spjallað og glaðst í hópi góðra vina og félaga. 

Viðburðurinn var hluti af fjáröflunarliðum félagsins og söfnuðust rúmar fjögurhundruð þúsund sem varið verður til þjónustu við félagsmenn.

Gabríel Werner veislustjóri kvöldsins

Gísli Stefánsson og Sigmundur Sigurgeirsson tóku lagið saman

Tónlistarmaðurinn Grétar Lárus Matthíasson